میں اپنے آپ کو اک دن یقیں دلا دوں گا وہ جا چکا ہے بہت دور یہ بتا دوں گا تمہارے دامنِ ہستی سے داغِ جور و جفا مٹا نے کے لئے میں خود کو ہی مٹا دوں گا تمہاری زندگی میں روشنی کی خاطر میں تمام خواہشوں کو اپنی خود جلا دوں گا وفا کا شیش محل میں نے جو کیا تعمیر میں آج اپنے ہی ہاتھوں سے وہ گرا دوں گا تمہارے زخم ہمیشہ نہیں رکھوں گا میں بنا کے اشک انہیں آنکھوں سے بہا دوں گا کسی سے عشق کا احساس گر کبھی ہوگا تو اپنے آپ کو میں آئنہ دکھا دوں گا دل و دماغ میں اب تک وہی بسا ہے مرے مجھے لگا تھا کہ پل میں اسے بھلا دوں گا غمِ حیات تجھے اذن ہے چلے آنا ہمیشہ دل میں تجھے اپنے میں جگہ دوں گا کسی سے عشق نہ کر پاؤں گا دوبارا پھر میں اپنے آپ کو چاہت کی وہ سزا دوں گا جو میری روح کو آزاد عشق سے کر دے تو ساری عمر اسے دل سے میں دعا دوں گا یہ میری روح رہے عشق سے سدا آزاد میں عمر بھر اسے دل سے یہ دعا دوں گا تمام عمر مداوا کرے گا دل مونس میں آج زخم اسے ایسا وہ ہرا  دوں گا از ✍️ مونس بریلوی